Emisari i Bashkimit Europian për dialogun Kosovë-Serbi, Miroslav Lajçak është shprehur i pikëlluar nga vdekja e ish-presidentit finlandez, laureatit të Çmimit Nobel për Paqe, Martti Ahtisaari.
Lajçak tha përmes një postimi në Twitter se Ahtisaari ishte “një gjigant shumë i respektuar i politikës së jashtme”.
“I pikëlluar thellë për ndarjen nga jeta të ish-presidentit dhe laureatit të Nobelit, Martti Ahtisaari. Një gjigant shumë i respektuar i politikës së jashtme, i vlerësova pa masë njohuritë, vizionin dhe vlerësimet e tij”, shkroi Lajçak.
“Ai dikur tha se paqja është çështje vullneti. Kjo mbetet më e vërtetë se kurrë”, shtoi diplomati europian.
Deeply saddened by the passing of former President and Nobel laureate Martti Ahtisaari. A highly respected giant of foreign policy, I immensely valued his knowledge, vision and assessments. He once famously said peace is a question of will. This remains more true than ever.
— Miroslav Lajcák (@MiroslavLajcak) October 16, 2023
