Kushdo që punon e që i bjen shpesh me dreku jasht e din sa shpejtë harxhohen idetë edhe mundësitë për me porositë diçka t’shijshme, jo fort t’shtrejtë e që nuk t’bahet bajat. Biles, me çmimet n’rritje e sipër, çdo herë e ma shumë po lindë nevoja me u ushqy, por pa harxhu shumë. E mira e t’mirës kish me qenë me marrë ushqimin me vehte prej shtëpisë. Megjithatë, jo çdoherë kemi kohë a mundesi me përgatitë sot për nesër. Me e thanë shkurt e shqip: diijmë me u dembelavë nga pak.
E shpejtë, e lehtë dhe jo fort e kushtushme asht receta për sallatën krokante me qiqra; sallatë kjo të cilën mundesh me e përgatitë edhe nëse nuk je naj farë kuzhinieri/e dhe me e konsumu aty për aty, ose me e ba gati për pauzat e nesërme. Mjafton me i ndjekë disa udhëzime t’thjeshta.
PËRBËRËSIT PËR SALLATË (servimi për 2):
300 gr qiqra t’konservume (t’kullume)
70-80 gr spinaq i njomë
1 kastravec (i prerë n’kubëza)
1 karrotë (e prerë n’kubëza)
1 spec i kuq (i prerë n’kubëza)
4 lugë gjelle fara kungulli
4 lugë gjelle fara luledielli
PËRBËRËSIT PËR DRESSING:
1/2 gotë lang portokalli
3 lugë gjelle tahini
¼ gotë jogurt grek
¼ lugë çaji kripë
¼ lugë çaji biber i zi
HAPI 1:
SALLATË KROKANTE ME QIQRA – HAPI 1, FOTO: SIMPLEGREENSMOOTHIES.COM
Shto t’gjithë përbërësit e dressing-ut n’nji tegëll xhami, mbylle tegllën e shkunde masën mirë deri sa t’krijohet nji masë e njitrajtshme me konsistencë sosi/dressing-u.
HAPI 2:
SALLATË KROKANTE ME QIQRA – HAPI 2, FOTO: SIMPLEGREENSMOOTHIES.COM
N’nji enë t’thellë shto qiqrat, spinaqin, kastravecat, specat dhe karrotat e prera n’kubëza dhe përziji mirë. Shto përzirjen n’pjatat e dëshirume e sipër miksit shto n’secilën pjattë 2 lugë gjelle fara kungulli dhe 2 lugë gjelle fara luledielli, ndërsa dressing shtoji sallatave aq sa don, ne ta rekomandojmC me i shtu 3 lugë gjelle për servim. Servo!
REZULTATI:
SALLATË KROKANTE ME QIQRA, FOTO: SIMPLEGREENSMOOTHIES.COM
Servoje sallatën si pjatë kryesore, si paragjellë apo pjatë shoqnuese. Poashtu, mundesh me përgatitë sasi pak ma shumë e pastaj me e rujtë pjesën e mbetun n’frigorifer, pa i shtu dressing-un. Kësisoji sallata qëndron e freskët për 2-3 ditë, biles mundesh me e marrë me vehte n’punë për pauzë – krejt çka t’mbetet me shtu para konsumit asht dressing-u, t’cilin n’nji enë/tegëll t’vogël poashtu mundesh me e marrë me vehte.
