Në Tiranë është duke u mbajtur ceremonia e hapjes së degës së Kolegjit të Evropës.
Aty ka marrë pjesë edhe Presidentja e Komisionit Evropian, Ursula von der Leyen, e cila ia ka lënë meritat kryeministrit Edi Rama që projekti po bëhet realitet.
“Mbajtën fjalën, kështu që tash student nga Shqipëria por edhe Ballkani Perëndimor mund të aplikojnë për të studiuar këtu, në degën e tretë të Kolegjit të Evropës”, është shprehur Von der Leyen, transmeton KlanKosova.tv.
“Shtimi I një dege tjetër për arsim të lartë e jep kontributin e vet për begatimin e Shqipërisë dhe të rajonit. Kjo është dega e tretë, pas së dytës në Poloni”.
Von der Leyen ka treguar se Komisioni Evropian ka ndarë fonde për bursa, ku për studentët nga Ballkani Perëndimor do të jenë 15 të tilla.
