Një grua e divorucar është quajtur “e vetmuar” dhe “e çmendur” nga kolegët e saj, pasi shpenzoi 5000 dollarë në dasmën me veten. Ajo nuk kishte asnjë të ftuar dhe ceremonia u mbajt në Meksikë.
“Daily Mail” shkruan se është fjala për 39-vjeçaren, Andria Johnson, e cila i propozoi vetes së saj në ditën e Shën Valentinit. Pasi shijoi disa muaj e fejuar me veten, ajo mori hapin e rëndësishëm.
Më pas ajo ka udhëtuar nga shtëpia e saj në Hanover për në Tulum, Meksikë. Aty u martua me veten në një ceremoni ‘solo’, ku përshinte leximin e betimeve për veten dhe vendosja e një unaze 37 dollarë në gisht, në prani të një zyrtari lokal.
Dasma kësaj radhe ishte ndryshe nga ajo e para, e cila u mbajt në vitin 2015 kur ajo ishte 31 vjeçe dhe ish-partneri 45 vjeç. Ceremonia në atë kohë u mbajt në Las Vegas.
Duke u rritur me prindër që janë të martuar prej 42 vitesh, Andria ëndërronte për një martesë të gjatë me bashkëshortin e saj. Por nga viti 2018, ajo e pa veten të divorcuar.
Teksa familja dhe miqtë e kanë mbështetur për vendimin për t’u martuar me veten, kolegët e saj janë habitur dhe e kanë komentuar mjaft keq.
“Doja të celebroja lidhjen time të re me veten duke bërë atë që duhej të bëja disa vite më parë. Në dasmën time të parë bëra gabim që gjithë dashurinë ia dedikova pa asnjë kusht dikujt tjetër.
Kishte shumë komente nga ana e kolegëve të mi, të cilët mendojnë se jam e çmendur, e vetmuar, që vdes për vëmendje dhe shumë gjëra të tjera. Madje disa punonjës, në mënyrë anonime, më kanë raportuar te shefi dhe kanë kërkuar një investigim për shëndetin tim mendor. Por unë kurrë nuk jam ndjerë kaq bukur”, ka treguar 39-vjeçarja.
