Kur një entuziaste e artikujve antikë në Angli bleu një pikturë që dukej se mbante nënshkrimin NC Wyeth në një dyqan në vitin 2017, ajo bëri shaka duke thënë se blerja prej 4 dollarësh mund të ishte në fakt një vepër origjinale.
Por pas pesë vitesh batuta e saj është shndërruar në një të vërtetë. piktura tashmë ka dalë në ankand me një vlerë fillestare prej 250 mijë dollarë pasi është vërtetuar se është vepër e vërtetë e krijuar artisti dhe patriarku i familjes së piktorëve Wyeth.
Gruaja e bleu pa vetëdije veprën në një dyqan sendesh në Manchester, teksa kërkonte korniza për t’i ripërdorur.
Me një kërkim të shpejtë në internet, pasi mbërriti në shtëpi, ajo nuk mundi të gjente informacion për punimin.
Piktura qëndroi e varur në murin e dhomës së gjumit për disa vite, më vonë përfundoi në një dollap në papafingo. E rizbuloi pikturën majin e kaluar gjatë pastrimit, dhe këtë herë postoi fotografi në një grup të dedikuar sendeve të vjetra të gjetura rastësisht, në rrjetin social në Facebook.
Komentet mbi postimin e shtynë atë të kontaktojë Lauren Lewis, një kuratore e cila ka punuar me piktura nga tre breza të Wyeths.
Sigurisht kishte disa gërvishtje të vogla por ishte në gjendje të jashtëzakonshme duke pasur parasysh se askush nga ne nuk kishte asnjë ide për udhëtimin e saj gjatë 80 viteve të fundit’, ka deklaruar ajo.
Piktori Ëyeth shpesh prodhonte kopertina për botuesit e periodikëve dhe romaneve. Piktura që del në shitje këtë shtator është një nga katër që ai përfundoi për një botim të vitit 1939 të librit të Helen Hunt Jackson “Ramona”, Në të, Ëyeth pikturoi personazhin e ri të titullit përballë nënës së saj kujdestare të moshuar, ndërsa mes tyre ndodhet një statujë e një figure fetare.
Rekordi i ankandit për çdo anëtar të familjes Wyeth u vendos vitin e kaluar kur piktura e Andrew Wyeth e vitit 1980 “Day Dream” u shit 23.2 milionë dollarë, afro shumë se shtatë herë më shumë se vlerësimi fillestar prej 3 milionë dollarësh./Katror.info
