Ndeshja mes Juventusit dhe Bolonjas, e zhvilluar pak ditë më parë në Torino, vazhdon të komentohet shumë dhe tashmë, kurioziteti është rritur më shumë. Disenjatori i arbitrave, Xhanluka Roki ka vendosur t’i shkojë deri në fund kësaj çështjeje për sa i përket gjykimit.
Ai ka premtuar se do të jepen audiot e ndeshjes për rastet kur ka polemika dhe të gjithë do të kenë mundësi të dëgjojnë se çfarë është diskutuar mes arbitrit dhe sallës së sistemit VAR. Dhe mesa duket, është vendosur që fjala e dhënë të mbahet, duke qenë se në datën 1 shtator pritet të dalin të gjitha bisedat që janë bërë në rastet e penalltive.
Ditën e djeshme, u mor vendimi për të pezulluar arbitrin e ndeshjes, Di Belo për të cilin u tha se ishte gabim i dukshëm. Ndërkohë, mediat italiane zbuluan se Di Belo ishte shprehur pas ndeshjes se nuk e ka dhënë penalltinë për shkak se nuk e dha edhe të Kiezës.
PANORAMASPORT.AL
