Policia e Kosovës është deklaruar pas ngjarjes së rëndë që ka ndodhur mbrëmë Klinikën e Psikiatrisë në QKUK .
Për pasojë, një pacient ka ndërruar jetë pasi dyshohet se ia vuri flakën dhomës ku po merrte trajtim.
Policia tha se rasti ka ndodhur sot rreth orës 00:15, transmeton Paparaci.
“Policia dhe prokurori i shtetit menjëherë ka dalë në vendin e ngjarjes, po ashtu janë ftuar edhe zjarrfikësit të cilët kanë lokalizuar zjarrin”, tha Flora Ahmeti, zëdhënëse e Policisë për Rajonin e Prishtinës.
Në një përgjigje për Paparacin, ajo tregoi se si pasojë e zjarrit në këtë rast, një person ka vdekur si dhe pesë të tjerë kanë pranuar tretman mjekësor.
“Aktualisht policia në koordinim me prokurorin ka nisur veprimet hetimore për sqarimin e plotë të rrethanave që karakterizojnë rastin, që është i cilësuar si zjarrvënie dhe Shkaktim i rrezikut të përgjithshëm”, tha ajo.
