16-vjeçari, i cili katër ditë më parë u përplas aksidentalisht me jet ski në plazhin e Llamanit në Himarë, ka ndërruar jetë në spitalin e Traumës në Tiranë.
Pas aksidentit, adoleshenti me iniciale K.XH u transportua me urgjencë në spitalin e Traumës, ku qëndronte i shtruar prej disa ditësh, pasi kishte pësuar vdekje klinike.
Më herë, policia njoftoi se 16-vjeçari nga Tirana dhe shoku i tij 17 vjeç po nga Tirana së bashku me dy shokë të tjerë janë futur në det, me 2 mjete lundruese Jet Ski.
Gjatë manovrave, dyshohet se aksidentalisht dy mjetet lundruese janë përplasur me njëra-tjetrën dhe për pasojë u dëmtua rëndë K.Xh që ishte drejtuesi i njërit mjet jet ski dhe pasagjeri, shtetasi D. K.
