Prej disa kohësh nuk janë të pakta rastet ku yjet e muzikës sulmohen nga të pranishëm gjatë koncerteve të tyre. E së fundmi një gjë e tillë i ka ndodhur edhe reperes së famshme, Cardi B.
Kjo e fundit është përballur me një incident të papritur gjatë koncertit të saj të fundit, ku teksa po performonte hitin e saj “Bodak Yellow”, një vajzë ka hedhur pijen drejt saj duke e lagur reperen në fytyrë.
Mirëpo, i menjëhershëm ishte dhe reagimi i Cardi B, e cila shumë e acaruar hodhi mikrofonin drejt saj, duke shkaktuar një situatë aspak të këndshme.
Ndërkohë kujtojmë se një natë më parë, Cardi po performonte në “Drai’s Beach Club” kur ajo u acarua pasi DJ dyshohej se ia kishte ndërprerë këngët shumë herët.
Në një klip të shpërndarë në rrjetet sociale, reperja e famshme shihet duke bërtitur emrin e saj përpara se të kthehej dhe të hidhte mikrofonin në drejtim të DJ-it, sikur të ishte duke hedhur një top futbolli, përpara se të dilte nga skena.
