Kryeministrja e Serbisë, Ana Brnabic, komentoi duke huazuar nga fjalimet e shefit për ngjarjet e fundit duke e vlerësuar të kotë rezolutën e Parlamentit Europian, njejtë bëri edhe me pretendimet e opozitës serbe ku vetëm fjala tradhtarë mungoi. Pati kohë të hyjë në teori komploti se dikush ka mundësi që edhe ju ka sabotuar termocentralin në Obrenovac si arsyetim për mungesën e energjisë elektrike, transmeton Gazeta Metro.
Brnabic hodhi poshtë rezolutën e fundit të Parlamentit Europian për Serbinë duke e vlerësuar përmbajtjen e saj si “lojëra politike”. Ajo i tha televizionit mikpritës për pushtetarët serb Pink se e ka lexuar dhe nuk bind fare.
Ajo çka ata zbuluan ishte hipokrizia e tyre dhe hidhërimi për hapjen e katër kapitujve të ri Serbisë nga BE që është treguesi i vërtetë.
“Qëllimi është të poshtërohet Serbia, të bëhet gjithçka që të pështyhet Serbia, nuk është problem vetëm shfaqni dyfytyrësinë tuaj” tha ajo dhe ndau disa pika nga rezoluta disa faqesh që nxjerrin në shesh atë hipokrizi.
“Ata dënojnë ashpër shkeljen e të drejtave bazike për protesta paqësore. Kush ka shkelur në Serbi këto të drejta? A jemi në këtu në Francë, Gjermani, Belgjikë, Luksemburg?” pyeti ajo dhe shtoi se “në Belgjikë e Luksemburg i vranë demonstruesit, i rrahën, i arrestuan, i lagën me top uji në kot mot”.
Ashpër reagoi Brnabic duke ironizuar tutje e pyetur nëse kjo qenka një shaka e rreng i kamerave të fshehta.
Të kotë e pa edhe kritikën për muralin e Ratko Mladic në Beograd që siç tha ajo nuk e ka pikturuar shteti, e as nuk ka flamuj aty e as vendos lule as dërgojmë njerëz tha ajo.
Në fund i emëroi edhe hipokritët që e nisën këtë fushatë poshtërimi të Serbisë. Tentim i përgjigjes së disa euro-parlamentarëve kroat dhe Viola von Cramon pas çeljes së katër kapitujve Serbisë. “S’po mund të pajtohen me këtë”.
Hodhi poshtë pjesën e dënimit të rezolutës për demokraci në Serbi, ku mes shumë kritikash ishte shprehur edhe shqetësim i madh për shkeljen e të drejtave të njeriut, punës së detyruar dhe trafikimit të rreth 500 vietnamezëve në fabrikën kineze Linglong në Zrenjanin.
Ajo ju kap jo vetëm opozitës në Serbi por edhe regjisorit serb Goran Markovic për kritikat e tij për gjendjen në Serbi. Ajo përqeshi edhe atë duke thënë se nëse bëhet një listë e njerëzve që kanë marrë më së shumti para nga shteti ai do të ishte në top dhjetëshen. Këshilloi me ironi atë që të shkojë e ta falënderoj presidentin serb Vucic.
